Parliamentary Hearing Committee-2082

संक्षिप्‍त परिचय:
कार्यकारिणीले सार्वजनिक महत्त्वका पदमा नियुक्तिका लागि प्रस्ताव गरेका व्यक्तिहरु तथा पदाधिकारीहरुको दक्षता, क्षमता र इमान्दारिता व्यवस्थापिका द्वारा परीक्षण गरी  कार्यपालिकालाई व्यवस्थापिकाप्रति उत्तरदायी र जवाफदेहि तुल्याउने लोकतान्त्रिक प्रकृया संसदीय सुनुवाइ हो । नेपालको संविधानको धारा २९२ को उपधारा (१) मा संवैधानिक परिषदको सिफारिसमा नियुक्त हुने प्रधान न्यायाधीश, सर्वोच्च अदालतका न्यायाधीश, न्याय परिषदका सदस्य, संवैधानिक निकायको प्रमुख वा पदाधिकारी र राजदूतको पदमा नियुक्ति हुनु अघि संघीय कानून बमोजिम संसदीय सुनुवाइ हुने छ भन्‍ने व्यवस्था गरिएको छ ।
उक्त धाराको उपधारा (२) मा उपधारा (१) को प्रयोजनका लागि संघीय संसदका दुवै सदनका सदस्यहरु रहने गरी संघीय कानून बमोजिम पन्ध्र सदस्यीय एक संयुक्त समिति गठन गरिने प्रावधान छ ।यसैगरी, सोही धाराको उपधारा (३) मा उपधारा (२) बमोजिमको गठित संयुक्त समितमा रहने सदस्यले संघीय संसदको उक्त कार्यकालभर सर्वोच्च अदालतमा उपस्थित भइ बहस पैरवी गर्न नपाउने प्रावधान राखिएको छ ।

समितिको गठनः 
नेपालको संविधानको धारा २९२ को उपधारा (२) को संवैधानिक व्यवस्थाअनुसार संघीय संसदको संयुक्त बैठक र संयुक्त समिति (कार्य सञ्चालन) नियमावली, २०८० को परिच्छेद ५ को  नियम २५ बमोजिम प्रतिनिधि सभाका १२ जना माननीय सदस्य र राष्‍ट्रिय सभाका ३ जना माननीय सदस्य रहने प्रावधान रहेको छ । सोही प्रावधानबमोजिम  मिति२०८२/१२/२७ को प्रतिनिध सभाको निर्णयबमोजिमका १२ जना र मिति २०८२/१२/२७ को राष्ट्रिय सभाको निर्णयबमोजिमका ३ जना सदस्यहरु गरी जम्मा १५ जना माननीय सदस्यहरुको विवरण देहायबमोजिम रहेको छ । 
समिति सदस्यहरुको विवरणः

 
समितिको सभापति:
संघीय संसदको संयुक्त बैठक र संयुक्त समिति (कार्य सञ्चालन) नियमावली, २०८०  को नियम २५ को उपनियम (४) मा समितिका सदस्यहरुले आफूमध्येबाट  समितिको सभापतिको चयन  गर्ने व्यबस्था छ ।
समितिको कार्यक्षेत्र:
नेपालको संविधानको धारा २९२ को उपधारा (१) को व्यवस्था अनुसार संघीय संसदको संयुक्त बैठक र संयुक्त समिति (कार्य सञ्चालन) नियमावली, २०८० बमोजिम  देहायका पदाधिकारीको संसदीय सुनुवाइ गरिने :

- संवैधानिक परिषदको सिफारिसमा नियुक्त हुने प्रधान न्यायाधीश,
- सर्वोच्च अदालतका न्यायाधीश,
- न्याय परिषदका सदस्य,
- संवैधानिक निकायको प्रमुख वा पदाधिकारी र
- राजदूतको पदमा नियुक्ति हुने व्यक्ति ।
समितिको बैठक :
संघीय संसदको संयुक्त बैठक र संयुक्त समिति (कार्य सञ्चालन) नियमावली, २०८०  को नियम २६ को उपनियम ४ मा समितिको बैठक आवश्यकताअनुसार सभापतिले बोलाउने ब्यवस्था रहेको छ ।

गणपूरक सङ्ख्या :
संघीय संसदको संयुक्त बैठक र संयुक्त समिति (कार्य सञ्चालन) नियमावली, २०८० को नियम २६ को उपनियम ४ मा समितिको बैठकमा गणपुरक संख्यासम्बन्धमा देहायबमोजिमको व्यवस्था रहेको छः

समितिको निर्णय :
संघीय संसदको संयुक्त बैठक र संयुक्त समिति (कार्य सञ्चालन) नियमावली, २०८० को नियम २६ को उपनियम ५ मा समितिको बैठकको निर्णय सम्बन्धी देहायबमोजिमको व्यवस्था रहेको छः

समिति सचिवालय :
संघीय संसद सचिवालयअन्तर्गत संसदीय सुनुवाइ समितिको सचिवालय रहेको छ । महासचिव संयुक्त बैठक र स‌ंयुक्त समितिको पदेन सचिव हुने व्यवस्था नियमावलीमा रहेको छ । तर, महासचिवले प्रतिनिधि सभाको सचिव वा राष्ट्रिय सभाको सचिवलाई संयुक्त बैठक वा संयुक्त समितिमा सचिव भई काम गर्न खटाउन सक्ने प्रावधान छ ।
 

क्र.सं.	नाम, थर	पद	सम्पर्क नं.	‌ईमेल
१.	तुल बहादुर कंडेल	सचिव, राष्ट्रिय सभा	९८५१०५४३८४	tulakandel82@gmail.com
२.	लक्ष्मी प्रसाद गौतम	सहसचिव (कानुन)	९८४१२८१९८३	gautamtaplejung@gmail.com
३.	साबित्रा शर्मा	उपसचिव	९८४१५९४३३२	rekhaandline@gmail.com
४.	विजय कुमार भट्टराई	शाखा अधिकृत	९८४९३९२५९०	vijaybashistha68@gmail.com
५.	नविनकुमार बस्नेत	शाखा अधिकृत	९८४२२५२१५०
६.	पूजा अर्याल	नायब सुब्बा	९८५१२८६०३९	poojaaryal084@gmail.com
७.	अस्मि बुढा मगर	कार्यालय सहयोगी	९८४४९६३२६१